To skip kolliderte i Nordsjøen måndag, eit lasteskip og eit tankskip. Ein person er framleis sakna. Nye bilete viser store skadar på skipa.

Brannen som oppstod etter kollisjonen er no sløkt. Tankskipet frakta flydrivstoff, medan lasteskipet hadde konteinarar med cyanid om bord.

Det er frykt for miljøkonsekvensar, men Kystverket meiner det er lite truleg at store mengder flybensin vil nå strendene og at konsekvensane blir lokale. Den britiske kystvakta jobbar med å hindre lekkasjar.