Raudt farevarsel for grasbrann: Stor brannfare på Sør- og Austlandet

Det er meldt raudt farevarsel for gras- og lyngbrann i store delar av Sør- og Austlandet grunna tørt gras og lite nedbør. Meteorologisk institutt følger situasjonen på Vestlandet og vurderer å utvide farevarselet.

Varselet vil gjelde til det kjem større nedbørsmengder. Ein mild vinter er hovudårsaka til det tidlege varselet.

Brannvesenet oppmodar folk til å vere svært forsiktige med bruk av eld utandørs, og minner om at sjølv om det ikkje er eit generelt bålforbod før 15. april, er det alltid krav om aktsomheit ved bruk av open eld.