Eit verdscuprenn i para-langrenn på Steinkjer er avlyst grunna flaumfare etter store nedbørsmengder i Trøndelag og Helgeland. Fleire fjellovergangar mellom aust og vest er stengt grunna fokksnø og kraftig vind, noko som skaper vanskelege køyreforhold.

Det er betydeleg snøskredfare i fleire fjellområde i landet. Meteorologane melder at nedbøren vil minke i Trøndelag utover veka, men at Vestlandet vil få meir regn.

NVE har sendt ut gult farevarsel for jord-, sørpe- og flaumskredfare for delar av Vestlandet og Møre og Romsdal.