Eigaren av eit sel på Feninga fekk i 2006 løyve til å setja opp eit påbygg, men bygde samstundes ein terrasse på 15,2 kvadratmeter utan søknad. Eit tilsyn utført av Sogn Brann og Redning i fjor haust avdekte terrassen som ulovleg. Eigaren søkte i ettertid om dispensasjon, men formannskapet i kommunen avslo søknaden.

Årsaka til avslaget er at terrassen kan skapa uheldig presedens for liknande saker i LNF-område og endrar bruken av området estetisk og i forhold til byggjeskikk. Saka vart handsama etter plan- og bygningslova frå 1985.

Formannskapet vedtok at terrassen må rivast innan eitt år, men gav løyve til å erstatta den med ei platting av steinheller. Eigaren stadfestar at han førebur ein klage på vedtaket.