Svoveldioksid-lekkasje i Odda: Minst 15 personar til sjukehus

Minst 15 personar er frakta til sjukehus i Odda etter ei hending ved Boliden Odda AS, der dei fekk i seg svoveldioksid.

Politiet er på staden for å undersøke hendinga og snakke med representantar frå bedrifta og industrivernet.

Det er førebels uklart kva som har skjedd og korleis lekkasjen oppstod, men politiet understrekar at det ikkje skal vere noko trussel for befolkninga generelt.