Idrettstrenar i Vestland tiltalt for seksuelle overgrep mot seks jenter

Ein idrettstrenar i Vestland er tiltalt for seksuelle overgrep mot seks jenter han var trenar for. Ifølgje tiltalen skal mannen ha bygd opp eit tillitsforhold til jentene, og deretter utnytta dette til å få seksuell omgang.

Politiet starta etterforskinga etter at ei av jentene melde forholdet i oktober 2023. Mannen nektar straffskyld og ser fram til å forklare seg i retten.

Politiet meiner å ha nok bevis for at han har misbrukt sin posisjon som trenar og lærar. Mannen er tiltalt etter fleire paragrafar og politiet varslar påstand om dobling av straffa, samt erstatning og kontaktforbod.